Oud-skoolhoof in hof oor kinderporno

Die Burger

Verslaggewer: Alethea Nieuwenhuizen

PAROW – Die kinderpornografie-saak teen ‘n voormalige skoolhoof en pa van drie is in die plaaslikke streekhof uitgestel sodat ‘n konsultasie met ‘n klaer voltooi kan word. Die man (57) van Kuilsrivier, wie se naam nie genoem kan word nie omdat hy nog nie gepleit het nie, was tydens van die beweerde voorvalle ‘n skoolhoof van Delft. Hy staan tereg op aanklagte van die onsedelikke aanranding van kinders en die besit van kinderpornografie. Hy is verlede jaar in hegtenis geneem nadat verskeie voorvalle van onsedelikke aanranding by die Delft-polisiekantoor aangemeld is. Streeklanddros Caron Lehmann het die saak tot 8 Maart uitgestel. Mnr. Gary Titus kla aan en mnr. Reaz Khan verdedig.

Oudskoolhoof later in hof

Tyger Burger

Verslaggewer: Alethea Nieuwenhuizen

Die kinderpornografie-saak teen ‘n voormalige skoolhoof en pa van drie, is in die Parow-streekhof op versoek van die staat uitgestel tot aanstaande jaar. Die man (57) van Kuilsriver, wie se naam nie genoem mag word nie, was ten tyde van die beweerde voorvalle ‘n skoolhoof in Delft. Hy staan tereg op aanklagte van onsedelikke aanranding van kinders en die besit van kinderpornografie. Die beskuldigde is geskors hangende ‘n interne ondersoek van die Wes-Kaapse onderwysdepartement. Streeklanddros C. Lehmann het die saak tot 26 Januarie uitgestel. Mnr. Ben Mathewson verdedig.